Argitxu DUFAU|2015/03/18 12:00|0 iruzkin |
AHTren proiektuak hautagaiak bereizten ditu

Martxoko hauteskundeei begira, le CADEk bi galdera pausatu ditu hautagaiei. Helburua? herritarrei jakinaraztea, hautagaien jarrera AHT proiektuarekiko.

Kazeta|2015/03/18 10:15|0 iruzkin
Intza Oxandabaratzen auzia apirilaren 16ra gibelatua

Urtarrilaren 21an prokuradoreak sei urteko zigorra eskatu zuen Intza Oxandabaratzentzat. Martxoaren 18an iragan behar zuen auzia, baina azkenean apirilaren 16ra gibelatzea erabaki dute. Gaur, 19.00etan elgarretaratzea eginen da Donibane Garaziko herriko etxean.

Iurre BIDEGAIN|2015/03/18 08:00|0 iruzkin |
Etiketak mahai gainean, sozial arloa eta ekonomia aipagai Uztaritzeko hautagaiekin

Euskal Hedabideek antolatutako hirugarren eta azken mahai-ingurua iragan da, martxoaren 17an. Bertan Jean Louis Laduche (etiketarik gabe), Battitt Laborde (etiketarik gabe), Joana Urbistondo (EH Bai), Joel Di Fabio (Departamenduko ezkerra) eta Francis Gelliek (EAJ) parte hartu dute. Hauek euskararen sustapenaz, arlo sozialaz edo ekonomiaz eztabaidatu dute.

 

Argitxu DUFAU|2015/03/17 17:45|0 iruzkin |
 Korrika Urepelen: kasualitate hutsa izatetik oso urrun

Euskararen aldeko lasterketa etzi abiatuko da Urepeletik. Herria Aldudeko bailaran dago, eta AEK-ko barnetegi bat du bertan; aitzitik, Korrikak ez ditu inoiz bere kaleak zeharkatu. Eguna girotzeko asmoz, ekitaldiz betetako egitaraua antolatu dute herritarrek.

Iurre BIDEGAIN|2015/03/17 14:30|0 iruzkin
Ezagupen instituzionalaren inguruko konsensua islatzen du Bateraren galdezketak

Martxoko hauteskundeen karietara, Baterak hautagaiak galdezkatu ipar Euskal Herriko ezagupen instituzionalari buruz. Orotara 35 erantzun jaso ditu, jakinez binonio batzuek batera erantzun dutela eta beste batzuek bakarka. Plataformak adierazi du orokorrean erantzunak positiboak izan direla.

Kazeta|2015/03/17 09:15|0 iruzkin
Elkartasuna gaur deklaratu behar duten Biziko militanteekin

Otsailaren 12an Bizik Baionako HSBCn gindako ekintzagatik, martxoaren 17an asteartearekin mugimenduko zazpi kide komisaldegira deitu dituzte, baina batek entzunaldia gibelatu du. 09.00ak inguru, komisaldegira joan baino lehen, militanteek elkarretaratzea egin dute bankuaren aitzinean, 60 pertsonekin batera. Komisaldegian ADN froga egitera ukatu dute eta horri lotuta, martxoaren 31ean Sabrina Revetta eta Txetx Etcheverry berriz deitu dituzte polizia-etxera.

Kazeta|2015/03/17 07:55|0 iruzkin
Euskarazko hedabideen saio bateratua Urepelen

Martxoaren 19an Korrikaren edizio berria abiatuko da Urepeletik. Euskararen aldeko lasterketa bezala, elkarlana oinarritzat hartuz, Euskal Herriko euskarazko hedabideek saio berezia eginen dute egun horretan. 15.45etatik goiti bertako giroa edo elgarrizketak izanen dira garaile. Saioa KAZETA.EUSen ikusgai izanen da ere.

Iurre BIDEGAIN|2015/03/16 18:15|0 iruzkin |
Alkartasuna fundazioak Ipar Euskal Herriko kultura eta ekonomia saritu ditu

Urtero bezala, Alkartasuna fundazioak Ipar Euskal Herrian euskara eta euskal kultura sustatzen duten hainbat arlotako eragileak saritu ditu. Martxoaren 15ean Lekornen iragandako ekitaldian, Itxaro Borda, Argitxu Noblia, Peio Hualde eta Phillippe De Ezcurrak egindako lana azpimarratu du.

Kazeta|2015/03/16 16:40|0 iruzkin
Ustaritzeko kantonamenduko hautagaiak Euskal Hedabideen mahai-inguruan

Martxoaren 17an Sarako Lurberri gelan Euskal Hedabideek martxoko hauteskundeentzat prestatutako hirugarren mahai-ingurua iraganen da. Bertan, Jean Louis Laduche (etiketarik gabe), Battitt Laborde (etiketarik gabe), Joana Urbistondo (EH Bai), Marie Bleiker (Departamenduko ezkerra) eta Francis Gelliek (EAJ) parte hartuko dute. 19.00etatik goiti, eztabaida ikusgai izanen da KAZETA.EUSen.

Iurre BIDEGAIN|2015/03/16 12:05|0 iruzkin

BIDEOA - Martxoaren 19an, "Euskahaldun" lelopean, Korrika hasiko da Urepelen. Baxe Nafarroako herria euskararen ikurra bilakatu da, besteak beste, uda guziz AEKk barnategiak antolatzen dituelako han. Herria eta euskararekin lotura duten Michel Ernaga auzapezak, Aire ahizpek, Marko marrazkilariak eta Maialen Errekartek (AEKko koordinatzailea) beren testigantzak islatu dituzte.

 

Orria 365/ 394
ARGAZKI GALERIA
ALBISTEA IRUDITAN
Emazteen lekua karrikan ikusarazteko
Bizi Ekofeminismoa


Gizartean emazteek duten leku eskasa salatzeko, Bizi mugimenduko Ekofeminismoa taldeak Baiona tipian ekintza bat burutu zuen ekainaren 10ean. "Frantziar estatuan soilik karriken %6k du emazte izena". Hori dela eta, taldeak Benoîte Groult, Camille Claudel, Daniela Albizu edo Simone Weil bezalako izenak jartzea proposatu du eta bere egitasmoa kontuan hartzeko deia luzatu dio Euskal Elkargoari.