Euskal Preso Politikoen Kolektiboak proposaturik, Bagoazek gutun bidalketa kanpaina bat abiatu du. Justizia Ministroa den Christiane Taubirari helduko zaizkion gutunen bidez euskal presoen hurbilketa eskatu nahi du. Kolektiboak azaldu duenez, helburua da ministroak "ahal bezainbat gutun" jaso ditzan. "Gutun hori edozeinek igortzen ahal du, norbanakoak, elkarte batek...", aipatu du Bagoazek.

Heldu den urtarrilaren 9an, Bagoazek eta Sarek dispertsioaren bukaera aldarrikatuko dituen manifestazioak antolatuko dituzte Baionan eta Bilbon. 17.00etan abiatuko diren mobilizazioak "Mugi daitezen harriak" lelopean iraganen dira.