"Duhar jaunaren lurretatik kanporatu nautenetik, nire karabanarekin lurra horietan instalatzera erabaki dut. Bertan barur eginen dut, hasieratik nahi dudan helburura ailegatzeko: lur hori ustiatzeko jabearekin akordio bat lortu", azaldu du Michel Larramendyk.

Hitz horiekin laborariak gose greban ezartzeko erabakia esplikatu du. 2015ean Paueko epaitegiak Larramendyk zuen alokatze kontratua ezeztatu zuen.

Arazo pribatu batean sartu nahi ez duen arren, oposizioko Herritarrekin alderdiaren ustez, "laborantza lurrak higiezin garapenetik babestu behar" dira. "Gure tokiko laborariak, gure bizi kalitatea, gure elikadura eta gure paisaiak horren menpe dira", gehitu du.

Herriko auzapeza den Beñat Inchauspék bere iritzia adierazpen baten bidez esplikatuko zuela erran du.

2012 urteko urbanismo planoa egin zenean, laborantzari zuzenduak ziren lur batzuk eremu eraikigarriak bilakatu ziren; Michel Larramendyk alokatzen zuena bezala. Lur horiek, irailetik maiatza arte bere ardientzat jabe pribatu bati alokatzen zituen.