Eguraldia
Joxe Landaren iragarpena
Gaurko eguraldia

GAUR EURIA IZANGO DA PROTAGONISTA, BATEZ ERE GOIZ PARTEAN

Gauean zehar botatzen jardunda, euri giroan esnatuko da eguna, eta hori izango dugu protagonista egunean zehar ere. Goiz partean botako du gehien, baina arratsaldean ere atertu ezinean. Haize nahasiak mendebal ukitua ibiliko du gehien. Tenperatura zertxobait beherago, petral puntu nabarmenarekin.  Euskal Herri osoa harrapatuko du euri eraso bortitz honek. Egun osoan atertu gabe, baina gauean botatzeari utziko dio eta bihar eguna itxuroso hasiko da. Beraz, gaurko honekin bukatuko da kaskarraldi hau. Ea ganoranzko onaldia tokatzen zaigun.

Bihar

HOTZETIK EPELTZE ALDERA, ATERI ETA OSTARTETXO BATZUEKIN

Fresko hasiko da eguna, baina gerora pixka bat epelduko da, eta itxura polita hartuko du ostarteak nagusituz. Hego haizea pixka bat mugituko da eta horrek apur bat mikaztuko du giroa, batez ere haize lekuetan, baina beste zenbait lekutan goxo sentsazioa nabarituko zaio. Euskal Herri osoan eguraldi berdintsua izango da, hobekuntza polita gauzatuz. Bihar hobeto, tenperatura nabarmen igoaz. Borraska bihurri hori aldendurik  nahas-mahas antzean geratuko zaigu eguraldia.

Joxe Landa. (Gorka RUBIO / ARGAZKI PRESS)