Kazeta|22/01/2019 08:05|0 commentaires
Biarritzeko G7 gailurrak merkatarien ezinegona handitu du

Joan den abenduaren 18an Jean-Yves Le Drian Frantziako Kanpo Arazoetarako Ministroaren jitea izan zela eta, Clemenceau plaza hetsi zuten. Holako neurriak 2019ko agorrilaren 25etik 27ra eginen den G7 gailurraren aurrekari gisako bat izan daitezke. Gainera, dataren hautapenak arrangura sortzen du Biarritz erdiguneko merkatarien artean.

Kazeta|21/01/2019 08:57|0 commentaires
Herritarren audita Etchegarayren esku jarri du Baterak

Urtarrilaren 19an Euskal Herriko Laborantza Ganbarak egin Biltzar Nagusia baliatuz, Batera plataformak 2018ko udazkenean zehar egindako audita eskura eman zion Euskal Elkargoko lehendakariari. 19 orrialdeko txostenean, besteak beste, gobernantza itunaren berridazketa eta hautetsi karguen metaketari bukaera ematea proposatzen da.

Haritz LARRAÑAGA|21/01/2019 07:55|0 commentaires
Estatuak ez du etorkinen harrera lagunduko

Etorkinen aferan, Baionako Herriko Etxea bakarrik uztea erabaki du Estatu frantsesak. Jean-René Etchegarayk etorkinentzat zuzendutako aterpea diruz laguntzeko eskaerak Estatuaren ezezkoa jaso du.

Amagoia Mujika Telleria|GAUR8
«1995etik gaur arte, esklerosi anizkoitza tratatzeko hamahiru farmako ditugu baimenduta jada, eta, datozen bost urteetan, gehiago izango ditugu»

«Forbes» aldizkariak Estatu espainoleko ehun mediku onenen zerrendan sartu berri du. UPV/EHUko irakaslea da eta ikerkuntzan eta praktika klinikoan aritzen da Gurutzetako Ospitalean. Esklerosi anizkoitza gaixotasunean aditua da.

Iurre BIDEGAIN|18/01/2019 14:00|0 commentaires
Euskarazko ikerketak hitzordu bat du Baionan

Udako Euskal Unibertsitateak, Iker Zentroarekin elkarlanean, “IkerGazte: Nazioarteko ikerketa euskaraz” kongresua antolatu du maiatzaren 27, 28 eta 29rako Baionan. Euskarazko lanak erakutsi eta ikerlarien arteko harremanak sustatu nahi dituen ekimenean parte hartu nahi dutenek beren artikuluak bidali behar dituzte otsailaren 22a baino lehen.

Kazeta|18/01/2019 07:40|0 commentaires
Donostian jada danbor soinuak entzuten dira

Aurten danborrada kopuruak markak hautsiko ditu Donostian, igande honetan iaz baino lau konpainia gehiagok parte hartuko baitu San Sebastian egunean. 18.000 pertsonatik goitik desfilatuko du Gipuzkoako hiriburuko auzoetan eta karriketan.

Kazeta|18/01/2019 07:35|0 commentaires
“Ingeniariek biharko mundurako aterabide berriak aurkitzeko aukera bat”

Ingeniaritza eskolak eta urgentzia ekologikoa ongi uztartzen ote dira? 2018ko azaroan, Centrale Nantes Eskolan diplomaturiko ikasle batek zabalduriko bideoak harrabotsa sortu zuen. Clément Choisnek klimaren aldeko borrokaren defentsa sutsua egin zuen, bere eskolak trantsizio ekologikoari buruz duen ikuspegia eta eskaintzen dizkion baliabideak zalantzan jarriz. Bere mezuak hedabideetan eta sare sozialetan oihartzun zabala ukan du. Gaiari tiraka, MEDIABASKek Bidarten kokaturik den ESTIAren (Industri Teknologia Aurreratuen Goi Eskola) zuzendari Patxi Elissalderengana jo du, ingeniaritza ikasketetan den kontzientzia ekologikoaz mintzatu delarik.

Kazeta|17/01/2019 06:35|0 commentaires
Euskal Herriko Laborantza Ganbarak 14 urte bete ditu

Euskal Herriko Laborantza Ganbara sortu zenetik 14 urte iragan diren honetan, heldu den urtarrilaren 19an egun osoko egitaraua antolatu dute Ainhize-Monjolosen.

Kazeta|17/01/2019 06:35|0 commentaires
Herri Urrats “LK” lelopean iraganen da maiatzaren 12an

Aurtengo Herri Urrats “LK” lelopean iraganen da maiatzaren 12an Senperen. Ekimenaren irabaziak Baionako Estitxu Robles Arangiz eta Bernat Etxepare lizeoko obrak finantzatzeko baliatuko ditu Seaskak.

Maite UBIRIA|14/01/2019 11:05|0 commentaires
“Goazen aurrera, segi dezagun bidea eginez, oztopo berriak jarri gabe”

Baiona eta Bilboko manifestazioen atarian, seinale berriak igorri zituen Justizia Ministerioak. Anaiz Funosas Bake Bideako lehendakariaren erranetan, mobilizazioek “agenda berreskuratzeko” mezu garbia eman du.

Page 1/ 362
ARGAZKI GALERIA
Isabelle MIQUELESTORENA


Txaleko horiek mobilizazio berri bat antolatu zuten urtarrilaren 19an Donibane Lohizunen. Orotara, 800 pertsona elkartu ziren Gobernuaren neurriak salatu nahi izan zituen hitzorduan. Antzeko manifestazioak iragan ziren Frantziar estatu osoan. Hain zuzen, Barne ministerioaren arabera, 27.000 lagun bildu ziren protestetan.