Kazeta|22/03/2019 14:05|0 commentaires
Ozeanoak babesteko engaiamendua hartu dute Biarritzen

Biarritzeko Ostalaritza Eskolako ikasleek ingurumena babesteko laguntza eman nahi dute. Martxoaren 23an, Surfrider Fundazioarekin batera, Milad hondartza garbitzeko ekimena antolatua izan da. Parte hartzeko deia egin dute.

Kazeta|22/03/2019 14:00|0 commentaires
Trantsizio energetikorako Paktuaren emaitzak eman ditu Bizi!-k

2014an Ipar Euskal Herriko 30 herrik trantsizio energetikorako Paktua izenpetu zuten. Herri hauteskundeetarako urtebete gelditzen honetan, Bizi! mugimenduak “Hitza Hitz” txostena publikatu berri du. Ondorio gazi-gozoak atera eta inplikazio handiagoa galdegin dute.

Kazeta|21/03/2019 15:05|0 commentaires
Petrolioz zikindutako hegazti hila agertu da Hendaian

Martxoaren 19an Hendaiako hondartzan petrolioz beterik zegoen itsas hegazti bat hilik aurkitu zuten. Oraino ez da Bizkaiko Golkoan hondoraturiko “Grande America” ontziak isuritako petrolioarekin lotura zuzenik egin. Azterketak abian dira.

Kazeta|21/03/2019 09:09|0 commentaires
Bernadette Jougleux Kanboko auzapeza zendu da

2017tik Kanboko auzapeza izan den Bernadette Jougleux asteazken arratsaldean zendu zen, eritasun luze baten ondorioz. Ipar Euskal Herriko hautetsi andana batek bere doluminak helarazi ditu.

Kazeta|21/03/2019 06:35|0 commentaires
Smartphoneak nerabeengan dituen arriskuez arituko dira Hendaian

“Smartphonea eta bere gehiegikeriak, haurtzarotik nerabezaroraino” izeneko gaualdia iraganen da Hendaiako Saint-Vincent eskolan, heldu den martxoaren 22an.

Kazeta|21/03/2019 06:30|0 commentaires
Emazteek eta gizonek dantzan duten lekua aztergai Donapaleun

Burgaintzi taldeak antolaturik, martxoaren 22an Oier Araolaza Arrieta dantzari eta antropologoak mintzaldia eskainiko du Donapaleun. Tradizioa egokitzeko beharra mahai gaineratuko du, azken urteotan hainbat herritan tentsioak sortu dituen gaiari helduz.

Kazeta|20/03/2019 14:05|0 commentaires
Emazteen lekua politikan: irauli beharreko argazkia

Euskal Elkargoak martxoaren 16an egindako kontseiluan emazte eta gizonen arteko berdintasunari buruzko txostena presentatu zuen. Berdintasunetik aski urrun den azterketa honen aitzinean, Ipar Euskal Herriko bizi politikoan emazteek behar duten ordezkaritzarako kuota baten ezartzeak eztabaida piztu zuen hautetsien artean.

NAIZ|20/03/2019 14:05
«Kazetaritza ez da delitua» aldarrikatu dute, ‘Argia’-ko Lander Arbelaitzekin elkartasunez

Bi ertzainek jarritako salaketa baten harira Donostiako epaitegietan deklaratu behar izan du Lander Arbelaitz ‘Argia’-ko kazetariak. Auzia salatu eta kazetariari elkartasuna adierazteko elkarretaratzea egin dute.

Kazeta|20/03/2019 07:30|0 commentaires
Macronen argazkiak kentzen segitzen du Bizik

Duela aste batzuk abiatutako kanpainaren baitan, Frantziako presidentearen argazkiak kendu ditu Bizik Donibane Garaziko eta Mauleko herriko etxeetatik. Ekintza honen bidez, hitzetatik ekintzetara pasatzeko deia galdegiten dio Emmanuel Macroni.

Iurre BIDEGAIN|20/03/2019 07:25|0 commentaires
Irisarriko eskola blokeaturik hezkuntza elebidunaren alde

Irisarriko eskola publikoko burasoek zentroa blokatu dute martxoaren 19 honetan. Hezkuntza Ministeritzak ama eskolan murgiltze sistema plantan ezartzea errefusatu die.

Page 1/ 375
ALBISTEA IRUDITAN
 Libertimendua errezibitu du Urepelek
Guillaume Fauveau


Bigarren aldiz, Bankako, Urepeleko eta Aldudeko gazteak elkartu ziren martxoaren 17an Libertimenduaren ikusgarria emateko. Ibarreko hiru eskoletako haurrek ikusgarri bat eskaini zuten Zanpantzar erre baino lehen. Aimar Karrikak eta Maindi Muruak kantatutako bertsoak alaiturik, dantza, kantu eta zirtzilen ironiaz gozatu zuen publikoak.

ARGAZKI GALERIA
Guillaume Fauveau


Arrakasta polita izan zuen ikasleek martxoaren 15erako antolatutako greba mugimenduak. Orotara, 1.400 gazte mobilizatu ziren ingurumenaren aldeko protestan. Aldaketa kimatikoari aurre egin eta neurri zorrotzagoak plantan ematea eskatu zieten eragile politikoei. Oroitarazi behar da mugimendu honen jatorria Suediako Greta Thunbergek egindako deian dagoela.