Haritz Larrañaga|19/06/2019 07:33|0 commentaires
Uztailaren 23an jakinaraziko da ahate hazleen eta ELBren kontrako auziaren epaia

Zigor ekonomikoak eskatu ditu prokuradoreak ahate hiltzeari uko egin zioten abeltzainen zein horiek sostengatzeko mobilizatu ziren ELBko kideen kontra. Bakoitzarentzat 2.000 eurotik gorako isuna eskatzen du, hain zuzen. Uztailaren 23an bere erabakiaren berri emanen du justiziak.

Kazeta|18/06/2019 08:19|0 commentaires
Aurtengo Lurramaren gaia klima izanen da

Laborantza herrikoiaren azoka azaroaren 8tik 10era iraganen da Biarritzeko Irati gelan. “Klima, bizia da” lema hautatu dute aurtengo ediziorako eta urtero bezala, gaia osotasunean tratatuko da, bai orokorki bai lokal mailan. Gomitatu nagusiak eta konferentzien egitaraua presentatu dituzte.

Xan Idiart|17/06/2019 13:55|0 commentaires
Luhusoko haurtzaindegiko zuzendaria kanporatu du presidenteak

Veronique Goenagak kanporatze jakinarazpena jaso zuen ekainaren 12an. Benjamin Gomes haurtzaindegiko presidenteak dosierrak emateari uko egitea eta etxetik lan egitea leporatu dio.

Kazeta|10/06/2019 06:35|0 commentaires
Belharra eta Aguilera kliniketako langileen haserrea emendatuz doa

CFDT sindikatuak Belharra eta Aguilera kliniken jabea den Capio multinazionalak langileen osasun osagarriaren inguruko hitzarmena egiteko duen borondate eza salatu du. Jakinarazi dutenez, elkarrizketa soziala etenda dago.

Goizeder Taberna|05/06/2019 07:00|0 commentaires
Ahate hazleen eta ELBren kontrako epaiketa berri bat

Domintxine eta Bidaxuneko ahate hazleak eta ELB sindikatuko presidentea heldu den ekainaren 18an epaituko dituzte Baionan. Hegazti gripea dela eta, 2017an animaliak hiltzeari uko egin izana leporatzen zaie beste behin. Egun horretarako mobilizaziorako deia luzatu dute.

Kazeta|24/05/2019 14:30|0 commentaires
Hamabost hautagai Hendaiako Legarraldea lur eremurako

Aurkeztu diren hamabost proposamenen artean, Saferrak Hendaia eta Urruña arteko lur eremu honetan instalatuko den laborantza proiektua edo proiektuak hautatu behar ditu.

Kazeta|24/05/2019 09:05|0 commentaires
Mugaz gaindiko lankidetza ekonomikoa nabarmendu dute

Baionako Merkataritza eta Industria Ganbarak (CCI) 2016an abiaturiko Competitiv´ proiektuaren bilana ezagutarazi du. Euroeskualdea osatzen duten Euskadi, Nafarroa eta Akitania Berriaren arteko lankidetza ekonomikoan finkatu helburua lortu dela adierazi dute.

KAZETA|13/05/2019 06:55|0 commentaires
Xiberoko hazleak Hartzaren kontra jarri dira

Claverina eta Sorita iragan urrian askatu zituzten Piriniotan. Nicolas Bengoetcheak ez du errazki ahantziko frantses gobernuak bioaniztasunaren aldeko engaimendu gisa aurkeztu zuen Esloveniako hartz-eme bi horien agerpenak ekarritako ondorioak. Claverinak lehenik Bengoetchearen artaldeari erasoa egin zion. “Ez genuen espero eta uste dut ez ginela prest horretarako, baina erasoa Larraineko lehenengo etxaldeen 200 bat metrotara gertatu zen”, azaldu dio hazleak “Mediabask” webguneari.

Kazeta|09/05/2019 14:00|0 commentaires
Zerbitzu publikoen defentsan mobilizatu dira Baionan

Sindikatuek egindako deiari jarraiki, maiatzaren 9an funtzio publikoa aldatzeko lege proiektuak aurreikusten dituen neurrien kontra karrikara atera dira funtzio publikoko 1 100 langile Baionan. Hasieran beltzez beztituak euskararen heriotza irudikatzeko, sail elebidunetako erakasleek kolorezko jantziak atera dituzte.

Kazeta|03/05/2019 13:55|0 commentaires
Bazkidetza kanpaina berri bat abiatuko du Lurzaindiak

Lurzaindiak elkartasunezko aurrezkiari dei egiten dio bi proiektu berri sostengatzeko Donaixtin eta Ahurtin. Maiatzaren 5ean Donaixtin iraganen den Lurraren Egunean hasiera emanen dio harpidetza kanpaina berriari.

Page 2/ 55
KLIK
Gaur 8

Lerro hauen gainean ageri den argazkia Aljeriako Independentzia Gerraren garaian egindakoa da, 1954 eta 1962 bitartean, deskolonizazio prozesu betan. Garai hartan, soldaduska egiten ari ziren Ipar Euskal Herriko ehunka gazte errekrutatuak eta borrokara behartuak izan ziren. 102 euskal gaztek galdu zuten bizia. Argazkia Heletako (Nafarroa Beherea) Piarres Aintziart idazleak egindakoa da, 1960an, Aljeriako Chellala herrian, eta soldaduska egiten ari zen konpainiarekin ageri da bertan. Argazkiaren ezkerreko aldean dagoena da Piarres eta argazkia etxekoei bidaltzeko egin zuen. Piarres berak honakoa idatzi zuen 2003an bizitako esperientziaren inguruan: «Oraindik oso gai mingarria da niretzat, oraindik errudun sentitzen naiz, nahiz eta badakidan nik ez nuela ezer txarrik egin… Ez genuen deus esan eta gerrara joan ginen».