Iurre BIDEGAIN|19/07/2019 07:05|0 commentaires
Berritasunez josia baina erne heldu da Baztandarren Biltzarra

Baztandarren eta euskaldun guztion hitzordua izan nahi duen Baztandarren Biltzarra errezibituko du Elizondok uztailaren 21ean. Krisi larri bat gainditu ondotik, erne aitzina doan ekimenean hainbat berritasun proposatuko dituzte. Horien artean, Euskal Herriko zazpi probintzietako musika eta dantzarien parte hartzea eta AEBtik etorritako euskal etxeen ordezkarien etorrera.

NAIZ|15/07/2019 15:52
Urte amaierarako disko berria iragarri du Zea Maysek

Irailaren 1ean sartuko da estudioan talde bilbotarra bere hamargarren diskoa grabatzera. Urtea amaitu aurretik amaituta izatea espero dute.

Naiz|15/07/2019 07:10
Sormen Beka Da-ren deialdia zabaldu dute bigarren urtez

2020. urteko Durangoko Azokaren baitan ezagutzera emango dute zein proiektu den irabazlea. Helburua euskarazko sorkuntza sustatzea da, eta sortzaile berriei bidea erraztea.

Amagoia Mujika Telleria|13/07/2019 13:40|0 commentaires
Irati Alcantarilla: “Gauza handia lortu dut, baina handiagoak ere lor daitezke”

Ekainean Eskolarteko Bertsolari Txaplelekta irabazi zuen Urruñan bizi den Irati Alcantarillak. Oraindik 18 urte bete ez dituen gazteak bertsolaritzan aritzeaz gain, futbolean ere jostatzea maite du. Aurten Oiartzunen jokatuko du. Bi pasioak tartekatzeko asmoa duela adierazi du Gaur8k egin dion elkarrizketan.

Ariane KAMIO|GARA
«Orain ikusten duzu kantuak nola itsasten diren jendearen arimara»

Ikasketa prozesu bat izan da, musikari darion bizitasunetik eratorria. Ez da ur geldoko putzu bat, usteltzera eramandako aro gezatua. Arriskua da, norabide aldaketa, kontraesanekin eraikitako leihorik gabeko dorrean. Sena da, determinazioa da, aurreiritzi eta konplexuekiko haustura da. Da. Edo izan da. Berri Txarrak badoa-eta.

Kazeta|12/07/2019 07:05
Pagolako herria pastorala prestatzen buru-belarri

Jadaneko instalatu dute Domingo Garat pastorala erakutsiko den pentzeko oholtza. Emanaldiak uztailaren 28an eta agorrilaren 4an iraganen dira eta sartzeak salgai dira.

Kazeta|01/07/2019 07:50|0 commentaires
Indarberrituta atera da Euskal Herria Zuzenean festibala

Jende andana bat bildu du ostiralaz geroztik Irisarrin antolatutako EHZ festibalak. Bi eguneko besta ondotik, igandean familiak izan ziren nagusi.

Kazeta|27/06/2019 14:05|0 commentaires
Haurtzaroaren intimitatea Nahia Garat argazkilariaren begiradatik

Nahia Garat argazkilari gaztearen “Islada” erakusketak udalekuen bizipenak islatu ditu. Lan analogiko hau ikusgai izanen da Begirada 2019 proiektuaren baitan Amikuzeko mediatekan zein Zato tailerrean antolatutako erakusketan.

Kazeta|27/06/2019 14:05|0 commentaires
EHZ festibala: motorrak berotzen hasiak dira Irisarrin

Ekainaren 28tik 30era musika, eztabaida tailerrak eta animazioak nagusituko dira Baxe Nafarroako herrian. Eskaintza aberatsarekin, Euskal Herritik eta bertatik kanpoko milaka pertsona jasotzeko azken ukituak egiten ari dira EHZ festibaleko antolatzaileak.

Naiz|27/06/2019 13:45
Euskara Wikipedian presentzia gehien duten hizkuntzen artean 29. postuan kokatu da

Euskarazko Wikipediak 336.000 artikulu ditu eta iaz 30 milioi bisita izan zituen, 2017an baino 5 milioi gehiago. 2.500 ikasle inguruk ia 800 artikulu berri sortu dituzte eta beste 1.200 inguru hobetu dituzte.

Page 1/ 80

 

ARGAZKI GALERIA
Euskarabentura


Arabari agur esan eta datozen lau egunetan Gipuzkoako lurretan ibiliko da euskararen espedizioa. Barnealdeko Donejakue bidea jarraituz Iruneraino helduko da.