Ironiaz beterik, “G7 abian da, Macron eta Venauc babes ditzagun” lema hedatu du bere Twitter kontuan “G7 fan club” ekimenak. Txio hori baliatu du heldu den maiatzaren 11n Biarritzeko Kasinoaren ataritik 11:00tan abiatuko den mobilizazioa iragartzeko.

“Klub” honek ehunka txaleko horiren aitzinean joan den otsailean ekitaldi satiriko bat egin zuen Biarritzeko erdigunean, zeinean G7 gailurraren alde diren hainbat ordezkari antzeztu zituen.