Azaroaren 20an Jakes Esnal euskal presoaren bigarren baldintzapeko askatasun eskariaren inguruko erabakia emanen dute. Esnalen askatasuna aldarrikatzeko, Bagoaz kolektiboak elkarretaratze bat egingo du, egunean bertan, 19:00etan, Donibane Lohizuneko geltokian, Naiz atariak argitaratu duenez.
Parisko auzitegiak bizi osorako zigorra ezarri zien Jakes Esnal, Ion Parot eta Xistor Haranbururi eta Unai Parot berriz, espainiar Auzitegi Gorenak 40 urtera kondenatu zuen. Dagoeneko 28 urte daramatzate espetxean.
Esnal, Parot eta Haranburuk baldintzapeko askatasuna eskatu dute behin baino gehiagotan, baina aztertuak izan diren eskaera guziak ezeztatuak izan dira orain arte. Bagoazek adierazi duenez, erabaki hauek "argudio politikoetan oinarritu dira, ez juridikoetan".
"Mobilizatzen segitu behar dugu eta gizartea horretara deitzen dugu. Lehen pausu bat eman da izan diren hurbilketekin, baina exijitzen dugu, preso guzi-guziak hurbilduak izatea, larriki eri diren presoak aske geratzea eta haien kondena bete duten preso guziek ere askatasuna berreskuratzea. Muturreko egoera hauek aski iraun dute".
