Baionako Oihana ikastolako Integrazio Batzordeak antolaturik, euskarazko antzezlan bat proposatuko dute martxoaren 17an: "Lezafin". Irisarriko Sakatrapu taldeak obra eskainiko du 18.30ean Elkarteen Etxean.

Antolatzaileek azaldu dutenez, helduentzat sarrerak bost euroko kostua izanen du eta haurrentzat hiru euro. Hamar urte baino gutiagoko gazteentzat sarrera urririk izanen da.

Integrazio Batzordeak aurten kanpaina berri bat martxan jarri du. Erakundearen erranetan, apirilean zehar ekitaldiak antolatuko ditu. Laster, kanpainari buruzko informazio gehiago zabalduko duela erran du.