Joxan Artze poeta usurbildarra hil da, 78 urte zituela. Euskal literaturan garrantzi berezikoa izan da Artze. 1966an Euskal Kantagintza Berria mugimenduaren baitan Ez Dok Amairu taldearen sortzaileetako bat izan zen, Mikel Laboa, Xabier Lete, Benito Lertxundi, Lourdes Iriondorekin batera besteak beste, Naiz atariak azaldu duenez.

1969an, Ez Dok Amairu taldeko hainbat kiderekin Baga, Biga, Higa ikuskaria prestatu zuen. Horrez gain, ikus-entzunezko ekitaldiak ere prestatu izan ditu. 1974. urtean Ez Dok Amairu banandu eta berehala, Mikel Laboarekin, taldeko hainbat kiderekin bere anaiarekin musika, dantza eta poesia batzen zituen Ikimilikiliklik saioa prestatu zuen.

Laboarekin lotura erabatekoa izan du bere ibilbidean eta besteak beste, ‘Txoria txori’ edo ‘Gure bazterrak’ abestien letraren egilea da Artze.

Sareetan laster zabaldu da berria eta asko izan dira poeta usurbildarraren lana goraipatu nahi izan dutenak.

Joxan Artze hil da #Respect #Ondarea #Kultura #Herria Aitaren artxibotik, Artze anaiak txalaparta jotzen San Mames zaharrean Bai Euskarari jaialdiaren baitan #Altxorra pic.twitter.com/M8vqo93H8w

— Beñat Zarrabeitia (@bzarrabeitia) January 12, 2018

Usurbilgo udalak gogoan izan du poeta.X abier Arregi Usurbilgo alkateak bere pertsona azpimarratu nahi izan du: «Kanpora eta barrura, begiratu erneko pertsona zen. Kanpoan ibilia bai, baina beste ezeren gainetik usurbildarra»