Arantxa MANTEROLA|2015/01/01 11:45|0 iruzkin
"Uste dugu gure eredua, iraunkorraz gain, jasangarria ere izan behar dela"

Joan den abenduaren 20an, EH Baiek iragarri zuen AB, EA eta Sortuk osatutako koalizioa mugimendu politiko bakar batera pasatzen dela. Bozeramaile berrien izendapenaren zain, orain arte zeregin horretan aritu den Peio Etxeberri-Aintziartek adierazi du oraingoan oinarri sendoak jarri direla behingoz Ipar Euskal Herriko ezkerreko abertzaleak bateratzeko. Aro berri huntan, taldearen lehen helburua martxoko departamenduko bozak izanen dira.

Julene LARRAÑAGA|2015/01/01 11:45|0 iruzkin
EUSKAL GAZTEEN IHESA

Egungoa inoizko belaunaldirik trebatuena omen da baina, hain justu, akademikoki prestatuenak dira joaten lehenak. Atzerrira joatea bizi dugun lan eskasiaren aterabide gisa aurkezten zaigun arren, fenomeno honek uste baino itzal gehiago izan ditzake atzean. Abenturazaleen ipuin politen ordez, milaka gaztek aurre egin behar dioten baina sarritan kontatzen ez den errealitate gazi-gozoa ezagutu nahi izan dugu.

Ahoan Bilorik Gabe|2015/01/01 11:45|0 iruzkin
Ahoan bilorik gabe

Abenduko Ahoan bilorik Gabe emankizunean Mauleko auzapeza elkarrizketatu dugu Euskal Hedabideok. Michel Etchebestek bere postu politikoa eta enpresa buru bezala gai ezberdinak jorratu ditu. Lehen atal honetan Mauleko Herriko Etxean eta Xiberoa Herri Elkargoan egindako lanaz gain, bere eskualdeko garapen ekonomikoaz, turismoaz eta kulturaz ere mintzatu da. "Maule Xiberoko hiriburua denez uste dut guk betebehar bat badugun, eta indar egiten dugu euskal mintzairari buruz" baieztatu du auzapezak. "Xiberoko ekonomia bera untsa ba dabila" baieztatu du Etchebestek, eta gaineratu du: "Xiberoko lantegiak aitzina doatzi, jende hartzen dute eta langile eskasa bezala senditzen dugu mementoan".

Argitxu DUFAU|2015/01/01 11:45|0 iruzkin
2014. urteko gertakizunak

Bilakaeraren erakusketa honen bidez, 2014. urtean agertutako gertakizun garrantzitsuenak aurkezten dira. Urtarriletik, EH Baik Ustaritzen abenduaren 20an antolatutako batzarra arte gizartearen arlo ezberdinetan plazaratu diren albiste esanguratsuen erakuslehioa da hau.

Iurre BIDEGAIN|2015/01/01 11:45|0 iruzkin
Gazte laborariak, hautuz

2014 urtean laborari berrien instalazio kopurua mantendu da gazteei zuzendutako dotaziorako laguntzari esker. Departamenduko Laborantza Orientazioaren komisioak zehaztu duenez, orotarat zortzi etxalde berri sortu dira Ipar Euskal Herrian, familia etxaldeetatik kanpo. Elorri Falxa gazte ainhiztarrak, aldiz, aitaren segida hartu du, baina beretzat ere hausnartu beharreko urratsa izan da. "Entsegu bat" egiteko helburuarekin, erakasle lana utzi ondotik bere aitaren segida hartzea erabaki du, besteak beste, bere printzipioekin bat egiten duen lana ikasi nahi zuelako.

Goizeder TABERNA|2015/01/01 09:59|0 iruzkin
Presoen hurbilketa Puerta del Sol plazatik abiaturik

BIDEOA - Euskal presoen hurbilketa aldarrikatzen duen ikurra Madrileko Puerta del Sol plazan agertu da joan den gauean. Ezkilek 12 kolpeak jotzen zituztela, agertu da irudia eta espainiar telebistan hedatu da. Sare sozialetan segitu du bidea ondotik.

Orria 407/ 407
KLIK
Gaur 8

Lerro hauen gainean ageri den argazkia Aljeriako Independentzia Gerraren garaian egindakoa da, 1954 eta 1962 bitartean, deskolonizazio prozesu betan. Garai hartan, soldaduska egiten ari ziren Ipar Euskal Herriko ehunka gazte errekrutatuak eta borrokara behartuak izan ziren. 102 euskal gaztek galdu zuten bizia. Argazkia Heletako (Nafarroa Beherea) Piarres Aintziart idazleak egindakoa da, 1960an, Aljeriako Chellala herrian, eta soldaduska egiten ari zen konpainiarekin ageri da bertan. Argazkiaren ezkerreko aldean dagoena da Piarres eta argazkia etxekoei bidaltzeko egin zuen. Piarres berak honakoa idatzi zuen 2003an bizitako esperientziaren inguruan: «Oraindik oso gai mingarria da niretzat, oraindik errudun sentitzen naiz, nahiz eta badakidan nik ez nuela ezer txarrik egin… Ez genuen deus esan eta gerrara joan ginen».