Kazeta|2015/04/17 17:45|0 iruzkin
Euskoak Bidarten aldagune berri bat du

Apirilaren 25ean Euskal Monetak Bidarten kokatuko den aldagune berri bat estreinatuko duela iragarri du. Apirilaren 18an elkarteak Uztaritzen bere biltzar nagusia ospatuko du. Besteak beste, 2015erako pentsatutako proiektuak aurkezteaz gain, ordaintze txartelarentzat aurkeztutako diseinuak erakutsiko dira.

Argitxu DUFAU|2015/04/17 15:40|0 iruzkin
Errobiko artamendu zentroa: beste bilkura bat "erantzunik gabekoa"

Gaur, apirilaren 17an, Errobi zentroko langileak Bordalen Ugecam-aren zuzendariarekin bildu dira. Beste behin ere, etxean egoiteko pagatuak diren langileak "erantzun zehatzik" gabe itzuli dira.

Iurre BIDEGAIN|2015/04/15 18:00|0 iruzkin
Errobi zentroko langileak "esperantza gutxirekin", Parisen egon ondoren

Itsasuko artamendu zentroko langileek Parisera bidaiatu dute, ACNAM-en (Eritasun Asurantzen Kutxa Nazionala) zuzendaritzarekin biltzeko. Nahiz eta etorkizunari dagokionez ez duten "erantzun zehatzik" jaso, "esperantza gutxirekin" dira. Apirilaren 17an, Bordelen, Enpresa komiteak aztertuko du afera.

Kazeta|2015/04/08 17:15|0 iruzkin
Austeritatearen kontra, apirilaren 9an LABek greba eta mobilizazio egunera deitu du

LAB sindikatuak krisi ekonomikoa hasi denetik langileen egoera egunero okertzen dela salatu nahi du. Apirilaren 9an "Austeritateari Stop" mezua aldarrikatuz, greba eta mobilizazio eguna segitzeko deia hedatu du. Baionan, 10.30etako manifestaldirako eman du hitzordua eta Donapaleun 18.00etan elgarretaratze bat antolatu du.

Kazeta|2015/03/17 10:45|0 iruzkin
BLE eta ELBk laborantza biologikoari jarritako oztopoak salatu dituzte

BLE elkarteak eta ELB sindikatuak elkarretaratzea antolatu dute martxoaren 17an, asteartearekin Baionako suprefeturaren aitzinean. Laborantza biologikoaren aldekoek, laguntza ekonomikoek sufritu duten %25aren beherapena eta hauek hiru hilabete berantago ordainduak izanen direla salatu dute. Stéphane Le Foll Laborantza ministroak laguntza gehigarri bat iragarri du.

Charlotte DALMONT|2015/03/11 08:25|0 iruzkin |
Enpresa buruzagiak etorkizunaz mesfidatzen dira

Ipar Euskal Herriko Merkataritza eta Industria Ganbarak (CCI) 600 enpresen buruzagiei egindako inkestaren emaitzak argitaratu ditu. Azken sei hilabete hauetan bildutako iritziek enpresen buruzagiek etorkizunean konfiantza guti dutela adierazten dute.

Patxi Vrignon|2015/03/06 17:15|0 iruzkin |
Arrainetik kooperatiba: Donibane Lohizunetik Bruselara

Donibane Lohizuneko Arrainetik kooperatiba Bruselako Farnet Saloiera gomitatu du Europako Batzordeak, beste 42 proiektu europearrekin. Arrantzarako Kapital Europearrak finantzatu dituen 9.500 proiektuen artean, Komisioak Arrainetik hautatu du bere burua ezagutarazteko, aurkezpen bideo bat proiektatuz eta erakusmahai bat atxikiz.

Iurre BIDEGAIN|2015/03/05 12:30|0 iruzkin |
Basklink: Euskal Herri osoko turismo eskaintzaren plataforma

"Basklink" Hazparneko Waaz eta Oiartzungo Gaindigo enpresek elkarlanean sortutako plataforma numerikoa da. Euskal Herriko ikuspegi osoa kontutan hartuz, ostalaritza eskaintza aurkezten du eta aisialdirako zerbitzuak proposatzen ditu. Lehen aldia da zazpi probintzietako eskaintza euskal nortasunak baturik aurkezten dela.

Justine GIRAUDEL|2015/02/26 08:20|0 iruzkin
Euskal produktuak sarituak Pariseko laborantza saloian

Pariseko Laborantza Saloiaren Laborantza Txapelketa Nagusiaren sariak iragarri dituzte. Ipar Euskal Herritik eramandako kabala guti sarituak izan dira, aldiz banatutako medailek produktuen kalitatea goraipatu dute.

goizeder taberna|2015/02/20 09:30|0 iruzkin
"Aurten, bereziki laborantzaren industrializatzea salatuko dugu Saloinean"

BIDEOA - Mikel Hiribarren Confédération Paysanne sindikatuko idazkari nagusietako bat da. Astean bi egun iragaiten ditu Parisen laborantza gaiak jorratzeko eta bestelako laborantza eredu bat defendatzeko. Heldu diren egunetan Pariseko laborantza saloinean izanen da sindikatua ezagutarazteko. Euskal Hedabideen (Ipar Euskal Herriko Hitza, Herria, Euskal Irratiak, Kanaldude, Kazeta.eus) galderei erantzun die otsaileko Ahoan Bilorik Gabe saioan.

Orria 50/ 51
ALBISTEA IRUDITAN
 Libertimendua errezibitu du Urepelek
Guillaume Fauveau


Bigarren aldiz, Bankako, Urepeleko eta Aldudeko gazteak elkartu ziren martxoaren 17an Libertimenduaren ikusgarria emateko. Ibarreko hiru eskoletako haurrek ikusgarri bat eskaini zuten Zanpantzar erre baino lehen. Aimar Karrikak eta Maindi Muruak kantatutako bertsoak alaiturik, dantza, kantu eta zirtzilen ironiaz gozatu zuen publikoak.

ARGAZKI GALERIA
Guillaume Fauveau


Arrakasta polita izan zuen ikasleek martxoaren 15erako antolatutako greba mugimenduak. Orotara, 1.400 gazte mobilizatu ziren ingurumenaren aldeko protestan. Aldaketa kimatikoari aurre egin eta neurri zorrotzagoak plantan ematea eskatu zieten eragile politikoei. Oroitarazi behar da mugimendu honen jatorria Suediako Greta Thunbergek egindako deian dagoela.