Iñigo Muguruza musikaria zendu da

Iñigo Muguruza euskal talde anitzen sortzaile eta kidea zendu da 54 urterekin eritasun luze baten eraginez. Irungo herritarrak Kortatu, Delirium Tremens, Negu Gorriak, Joxe Ripiau, Lurra zein Hiru Leike bezalako taldeetan parte hartu zuen.

Kazeta|2019/09/05 16:00|0 iruzkin
Muguruza-lurra
Iñigo Muguruza, Ane García eta Carlos Zubikoa, integrantes de Lurra. (Jon URBE/FOKU)

Badira lau urte publiko egin zutela Iñigo Muguruzak esklerosi anizkoitza zeukala. Eritasunaren eraginez zendu da Irungo musikaria irailaren 5ean. Hainbat euskal talde sortu eta horietan parte hartu zuen. Hala nola, Kortatu, Delirium Tremens, Negu Gorriak, Joxe Ripiau eta Lurra. Iaz oholtzetara itzuli zen Hiru Leike taldearekin.

Iñigo Muguruzak bere ibilbidea hasi zuen hamalau urte zituelarik Desband taldean. Urte batzuk beranduago, Kortatu taldea sortu zuen bere anaia Fermin Muguruzarekin batera. 90eko hamarkadan Delirium Tremens taldean parte hartu zuen eta hori desagertzerakoan Negu Gorriak sorreran parte hartu zuen, kasu honetan ere bere anaiaren laguntzaz.

Negu Gorriakeko etaparen ondotik, Joxe Ripiau taldea sortu zuen bere beste anaia Jabier eta Sergio Ordoñezekin. 2000 urtean Sagarroi taldea sortu zen eta hamaika urte beranduago Lurra. Talde guzietan gitarrista, bateria jole eta kantari gisa ere aritu zen.

Beste hainbat arlo jorratu zituen bere bizitzan. Film labur bat grabatzeaz gain, liburu bat idatzi zuen eta "Ezekiel" antzezlanaren proiektuan parte hartu zuen.