Klima aldaketa hizpide eta bertsotarako gai Ziburun

Baltsan elkarteak itsasbazterreko CPIE (Ingurumenaren aldeko ekimen zentro iraunkorra)  elkarlanean klima aldaketaz eta honek kostaldean dituen ondorioz konferentzia bat eta bertso saioa antolatu du heldu den irailaren 6an.

Kazeta|2019/09/03 07:40|0 iruzkin
Med_maree_vigilence_barre_angelu_imiquelestorena02
Klima aldaketak kostaldean dituen ondorioak aztertuko dituzte Ziburun. © Isabelle Miquelestorena

“Klima aldaketa eta kostaldeko arriskuak” izenburua duen konferentzia antolatu du Ziburuko Baltsan elkarteak irailaren 6rako. Lapurdiko itsasbazterreko ingurumenaren aldeko zentro iraunkorrarekin (CPIE) elkarlanean, elkarte horretako Laurence Elicetche eta B3 ikerketa zentroko Elisa Sanz de Murieta mintzatuko dira, arratseko 20:00etatik aitzina. Euskaraz eginen dituzte azalpenak, frantsesezko bat-bateko itzulpenarekin.

Aitzinetik, 19:30ean pintxoak izanen dira eta gaualdian zehar Aitor Servier eta Xumai Muruak bertsoak kantatuko dituzte Ziburuko elkarteak proposatu duen gaiari loturik.