Hendaiako Futbol 7 txapelketan izena emateko aukera zabalik

Euskal preso eta iheslari politikoen sustenguz Hendaian urtero antolatu ohi den Futbol 7 txapelketa heldu den ekainaren 15ean ospatuko da.

Kazeta|2019/05/08 08:45|0 iruzkin
Futbol_7_hendaia
Futbola, aldarrikapena eta besta uztartzen ditu Futbol 7 txapelketak.

Hasiak dira Hendaiako Futbol 7 txapelketarako prestaketa lanak. Euskal preso eta iheslarien aldeko ekimenaren XVI. edizioa ekainaren 15ean ospatuko da, ohikoa den bezala, Hendaiako Ondarraitz kirol-zelaian, 8:30tatik hasirik.

Goiz osoan futbol partidak jokatu ondotik, 14:00etan ekitaldia iraganen da eta oren erdi berantago, bazkaria. Arratseko 20:00etatik aitzina, sari banaketaren eta kontzertuen aldi izanen da Gabenara, Rukula eta Bad Sound taldeekin.

Antolatzaileek txapelketan izena emateko bidea ideki dute jada. Parte hartu nahi duten taldeek 0659091886 telefonora deituz edo labur.eus/futbol7 loturan klikatuz eman dezakete izena.