Arantxa IDIEDER
Kazeta_-_korrika_apirilak_13ko
Komunikatzen duen herri bat ez da inoiz zatituko

Etorkizuna prestatzeko komunikatzeko beharraz ari da Arantxa Idieder.

2019/04/13 06:45 | 0 iruzkin

Komunikazioak, hurbilketa dakar. Kazetaritzaren funtzioetan sartzen da zentzu batez, herritarrei gertakizunak transmititzea informazioa partekatzea. Komunikatzen duen herri bat ez dela zatituko zion Jon Altzak bere Twitter kontuan prentsaren kilometroaren aldarria oroitarazteko, kazetaritzak garrantzia duelako.

Korrikak dituen egun guztietan prentsa talde bat egon da, elgarrekin lan egin dugu, gosaldu, hitz egin, lo egin eta azpimarratzekoa ere, irri egin. AEKren ideia eroaren hariari segituz, sarean, hedabide desberdinetan, herritarrei saiatu gira transmititzen kilometroz-kilometro gertatzen zena. Talde hortan, bederatzi gira elgarrekin, eta bakarra naiz "beste aldekoa, Iparraldekoa" exotismo puntu bat ekartzeko. Mugak hautsi nahi ditugula ? Buatxabal, badela lan! Orain arteko hamar egun horiek zoragarriak izan dira niretzat, bainan holako bizipenak egunero izan behar genituzke Klika egiteko. Gure hizkuntzak batu egiten gaitu, bainan elkarren arteko distantzia handia da, erreferentzia kulturalak ikasteko hamar egun ez dira aski izan niretzat. Biharkoa eraikitzeko komunikatzea ezinbestekoa da, zatiketa jadanik hor baita.