Joan den martxoaren 12an egindako batzorde eragilean, Euskal Elkargoak lehen herri elkargoek kudeatzen zituzten zortzi igerilekutara sartzeko prezio bera ezartzea erabaki zuen. Delibero honek Amikuze, Bidaxune, Errobi, Garazi-Baigorri eta Xiberoko igerilekuetan izanen du eragina.
Neurrien artean, hiru urtepeko haurrek sartzea urririk izanen dute. Era berean, “udako txartela” sortu dute, gisa horretan edozein igerilekuetara sartu ahal izateko. Helduek igeriketa egiteko aukera hobea ukan dezaten, “pluf espres” delakoa orokortu du. Beraz, arratseko idekieraren azken orduan edo eguerdiko pausan, sartzeak 2 euro baizik ez du balioko.
Elkargoak 3 eta 18 artekoen, ikasleen eta lan xerka ari diren jendeen kategoriak orokortzea ere erabaki du. Bestetik, “ahalmen urritasuna” duten pertsonen prezio berezia ezeztatuko du eta mugikortasun mugatua duten pertsonak urririk sartu ahalko dira.