Orkestra Sinfonikoa inauterietan murgildurik

Euskal Herriko Orkestra Sinfonikoak- Iparraldeko Orkestrak Saint-Saënsen "Animalien Inauteriak" eta Huillet-ren "Oihaneko inauteriak" obren inguruko kontzertu zikloa eskainiko du otsailaren 1etik 3ra.

Kazeta|2019/01/31 14:20|0 iruzkin
17-web-orbcb-titan-_-mathieu-prat-1366x909
Ihauterietako kontzertuaren sarrera urririk izanen da gazteentzat. © Mathieu Prat

Otsailaren 1ean Donapaleun, 2an Donibane Lohizunen eta 3an Senperen. Asteburu osoan zehar inauteriei loturik Iparraldeko Orkestrak eskainiko dituen kontzertuak ikusteko parada izanen da. Orkestrarekin batera Théâtre des Chimères taldeko Claire Grimbert antzerkilaria ere taularatuko da.

Inauteriak munduko kultura ainitzetan errotuak dira, Europan edo Amerikan, ondorioz baita Euskal Herrian ere. Paganini, Schumann, Dvorak, Liszt edo Milhaud urteko garai honetako ospakizunetan inspiratu ziren. Ildo horretan, Euskal Herriko Orkestra Sinfonikoak inauteriei eskainitako ziklo honetan, Thierry Huillet konpositorea ere bertan izanen da.

Sartzearen prezioa 16 eurokoa da eta bestelako aukerak eskainiak dira (ikasle, familia...). 22 urtez azpikoentzat kontzertu guziak urririk izanen dira.

Informazio gehiago eskuratzeko eta sartzeak erreserbatzeko, klikatu hemen.