Ikasturte "nahasiari" hasiera eman dio Seaskak. Hezkuntza Ministeritzak elkarteak behar dituen 25 postuak errefusatu eta mobilizazioak antolatzea erabaki dute buraso, ikasle zein irakasleek ikasturte berriaren lehen egunean.
Abuztuaren 31n Pauen burututako protesta eta mobilizazioei segida ematea erabaki dute astelehen honetan. Goizean goizetik, Seaskako ikastola, kolegio eta lizeoan elkarretaratzeak burutu dituzte beren kexa adierazteko. "Kasu ikastolak kexu!" mezua islatzen zuten pankartak ikusi ahal izan dira zentroetako sartze nagusietan.
Ziburuko Piarres Larzabal kolegioko irakasle, guraso eta ikasle protesta burutzen ari dira irakasle postu berriak eskatzeko. @seaskaikastola pic.twitter.com/JUQ4wN46QI
— Maite Ubiria (@Maite_Ubiria) 2018(e)ko irailaren 3(a)
Afera ez da bukatua, ordea. Irailaren 4an Errektoretzak, Euskararen Erakunde Publikoak eta Seaskak elkar ikusiko dute arratsaldean iraganen den bilkura batean. Hitzorduari begira, "itxaropen guti" dituela aitortu du Seaskako zuzendari den Hur Gorostiagak.
Hiru erakundeen arteko hitzarmenaz eztabaidatuko dutenez, galdegitean, honakoa dio Gorostiagak: "Pentsatzen dugu Errektoreak hitzarmenaren gaia landu nahiko duela, baina arazoa da jada iaz hitzarmena genuela eta ez dutela bete. Ikusiko dugu zein den beren asmoa. Gure eskaera da aurtengoa nola konpontzen dugun, gure gain hartutako irakasle postuak zor dizkigutelako".
Bernat Etxepare lizeoko buraso, irakasle eta ikasleak elkartu dira ikasturte berriaren lehen egunean postuen ukapena deitoratzeko #kasuikastolakexu pic.twitter.com/mBmlPjh3g4
— Iurre Bidegain (@Iurrebidegain) September 3, 2018
Euskararentzat ahalak emendatzera engaiatu da EEP Herri Urratsen
Marieniako higiezin proiektuaren kontrako lau militanteek 500 euroko isuna jaso dute
Baionako espetxea blokeatu dute bertako langileek
Bakegileak erruduntzat jo dituzte baina zigor gabe
