Oraingoz, France 3 Euskal Herri emankizuna mantentzea erabaki dute, gaur egun duen forma eta hedapen moduarekin. Komunikabideko langileek jakinarazi dutenez France Télévision zuzendaritzak tokiko albisteei eragiten dien luzamena abiatuko du.

Lantaldeak orain arte jaso duen babesa eskertzeaz gain, pozik agertu da erabakiarekin. Haatik, kontziente da erabakia behin behinekoa dela. Hori dela eta, "erne" egonen dela erran du. Hain zuzen ere, azaldu duenez, ikus-entzunezko hedabide publikoen egituraketa birmoldatua izanen da laster. Gainera, bere aburuz, NAQTV kate berriaren sortzea ez da berme bat izaten ahal.

Iazko irailean 300 pertsona mobilizatu ziren Baionan saioaren defentsan.