Poliziek, berriz ere Biziko militante bat deklaratzea deitu dute. Kasu honetan, Jon Palais Bizi eta ANC Cop 21 mugimenduetako militantea dute deitu komisaldegira ekainaren 9an. Deia, iragan urteko urrian Pariseko BNP Paribas bankuan bahitu zituzten hamabi aulkien aferari lotua da. 

Oroitarazi behar da,  iruzur fiskalaren kontra, Bizik beste mugimenduen sustenguarekin 196 aulki bahitu zituela hainbat bankutan. Horiek guziak Pariseko Justizia Jauregian itzuli zituen Jérome Cahuzac ministro ohiaren auziaren abiatzean. Militanteek pertsona bakar baten epaiketa nahikoa ez dela salatu zuten: "iruzur fiskalaren auzi osoaren kontra borrokatu behar da".

"Mundu harrigarri batean bizi gara. Itxura salbatzeko xedez, bankuek salaketak jartzen dituzte eta gure ekintzak ulertzen ez dituztela diote", azaldu du Jon Palaisek. Azken hori Parisen burutu diren ekintzen harira, polizia-etxera deitu duten bakarra da. Haatik, otsailan Baionako HSBC bankuan egin ekintzarengatik Ipar Euskal Herriko zazpi militante deitu zituzten.

Palaisen aburuz, "ikerketa ez da aitzinatuko, besteak bezala". "Bankuek badakite afera auzi batera ailegatzen bada, horrek publizitate txarra ekarriko diela", kontatu du.