Abiadura Handiko Trenaren (AHT) inguruko erabakiak "aste bukaeran edo heldu den astearen hasieran" hartua izan beharko luke, France Bleu Gascogne irratiak azaldu duenaren arabera. Lehen Ministroa den Manuel Vallsek erabaki hori hartu beharko luke. KAZETAk, ez du dagozkion zerbitzuen partetik baieztapenik ukan.
Komunikabidearen arabera, Garraio Ministroak AHTaren aldeko txostena itzuli lioke Lehen Ministroari. 2015eko inkesta publikoa kontuan hartuz, Ekonomia eta Finantza Ministroak iritzi ezkorra luke. Bi ministerioen arteko desadostasunaren ondorioz, Manuel Vallsek azken erabakia hartu beharko luke.
Abenduko Eskualdeko hauteskundeak hurbil direnez, "erantzuna ezezkoa izateko arriskua" dagoela esplikatu du Victor Pachonek, CADEko lehendakariak. Bere ustez, erantzuna baiezkoa balitz Gobernua atakatua izanen litzateke.