Lasa eta Zabalak Baxe Nafarroko publikoa hunkitu du

Maiatzaren 6tik, Atalantek "Lasa eta Zabala" filma Ipar Euskal Herriko zinema geletara eramaiten du. Maiatzaren 11n, Donibane Garazin antolatutako proiekzioan obraren zuzendaria den Pablo Malok publikoarekin hausnarketak trukatzeko parada izan du. Maiatzaren 14an, Malori egindako elkarrizketa osoa KAZETA.EUSen argitaratuko da.

 

Iurre BIDEGAIN|2015/05/12 13:45|0 iruzkin
Img_2980
Pablo Malo zuzendariak filmari buruzko hausnarketak plazaratu ditu.

Ez zen lehen aldia "Lasa eta Zabala" filma Donibane Garaziko zinema gelan eskaintzen zela, baina maiatzaren 11ko hitzordua berezia izan da. 120 bat pertsona GAL eta Gerra Zikinaren gertakariak ezagutzera hurbildu dira eta hauek ordu bat eta erdiko tentsioa bizi ondoren, ekoizpenaren zuzendaria den Pablo Malorekin zalantzak argitu dituzte. Zuzendariari egindako elkarrizketa osoa maiatzaren 14an KAZETA.EUSen argitaratuko da.

Maiatzaren 6az geroztik proposatzen du Atalantek Donostiako Zinemaldian aurkeztutako filma. "1983. urtean ETAko bi militante desagertu dira Baionan. Hamabi urte beranduago torturak sufritu ondoren, beren gorpuak ehunka kilometrotara atzemanak eta identifikatuak dira. Bere abokatuak erailketaren istorioa deskubrituko du eta horrek GAL taldera zuzenduko du".

Maiatzaren 11n, Donibane Garaziko zinema gelak istorioa hori islatu du. Publikoak eszena gogorren oihartzunak entzunak zituen eta horiek baieztatzean, aulki artean tentsioa nabaritu da. Emozioa, tristura edo harridura bezalako sentsazioak sentitu dira emanaldian zehar.

Filma txalo artean bukatu ondoren, zuzendaria den Pablo Malok grabatzearen prozesu "gogorra" kontatzeaz gain, ekoizpenaren anekdotak edo berezitasunak esplikatu ditu. Zuzendariak bere hitzekin argi utzi du "Lasa eta Zabala" filma giza eskubideen inguruko istorioa dela; politika alde batera utziz.

Datorren hitzorduak

Zuzendariaren presentziarekin:

Maiatzaren 12an, Hendaiako Variétés zinema gelan.
Maiatzaren 18an, Saliseko Saleys gelan.

Hurrengo emanaldiak:

Maiatzaren 13tik, Donapaleuko Saint Louis zinema gelan.
Maiatzaren 20tik, Hazparneko Haritz Barne gelan.
Maiatzaren 27tik, Mauleko Maule-Baitha eta Donibane Lohizuneko Select gelan.

 

 

ERLAZIONATUTAKO ALBISTEAK