Ordizia eta Hernaniko errugbiak berriz ere Seaskaren alde jokatuko du

Apirilaren 26an, berriz ere Ordizia eta Hernaniko errugbi taldeek Seaskaren aldeko entseguak markatu dituzte. Azkenean, Hernanik garaipena lortu du: 28-35.

Kazeta|2015/04/24 17:05|0 iruzkin
11150656_811309788963651_129816745707050553_n
Hernani-Ordiza errugbi taldeen partida. Argazkia: @HerriUrrats

Apirilaren 26an, igandearekin Ordizia eta Hernaniko errugbi taldeek Seaskaren aldeko entseguak markatu dituzte. Hernaniko jokalariek garaipena lortu dute, 28-35 markagailu batekin.

Apirilaren 23an, Donostian, Gipuzkoako Foruko Gazte zuzendaria den Jokin Melida, Ordizia eta Hernaniko lehendakariak diren Kepa Korta eta Joxe Kurutz eta Kilometroak ospakizunaren lehendakaria den Arantza Manterola, Paxkal Indo, Seaskako lehendakariarekin bildu ziren hitzordua aurkezteko.

Ez da lehen aldia talde horiek Ipar Euskal Herriko ikastolen alde jotzen dutela. Iragan den hilabetean, Ziburuko Kaskarotenearen aldeko partida bat antolatu zen. Igandeko hitzorduan gertatuko den bezala, sarreretatik lortutako dirua Seaskarentzat zuzendu zuten.

Apirilaren 26an Altamiran ekitaldi berria iragan da eta helburua berdina izan da: Ipar Euskal Herriko ikastolen elkartearentzat dirua lortzea. Errugbi taldeen aldetik elkartasunezko keinu handia da, jakinez ekonomikoki ez dela beren egoera biziki baikorra. Partidaren sarrerek hamar euroko kostua izanen dute eta oraingoan, Goierriko klubeko kideek ere ordaindu beharko dituzte. 

Ekitaldiaren aurkezpenean zegoen Paxkal Indok, errugbi talde gipuzkoarrak eskertu zituen. Hain zuzen ere, beren sostenguaren garrantzia azpimarratu zuen jakinez oso beharrezkoa dela Ziburuko Kaskarotenea ikastola irekia mantentzeko. Arantza  Manterolak Gipuzkoako ikastoletako gurasoei hitzordura hurbiltzeko deia luzatu zien.

ERLAZIONATUTAKO ALBISTEAK