Abbadia gazteluak Ekizaren kontzertua hartuko du

Hendaiako Erlaitzan kokaturiko gazteluko musika emanaldiek segida izanen dute ekainean ere. Hil horren 14an Jurgi Ekiza baionarrak bertako kaperan eskainiko du kontzertua.

Kazeta|31/05/2019 13:40|0 comentarios
Jurgi_ekiza__etxepareeu
Jurgi Ekiza, kontzertu batean. @etxepareEU

Jurgi Ekiza Willis Drummond taldeko gitarrista eta abeslariak Ekiza bere bakarkako proiektua eskainiko du heldu den ekainaren 14an Hendaian. Kontzertua Abbadia gazteluan izanen da, arratseko 20:00etan hasita.

Ekizaren lehen lana "bH036" izeneko diskoa izan zen, 2016an grabatua. 80 kontzertu eskaini zituen, Euskal Herrian eta bertatik kanpo ere. 2017an berriz, "2016/IX/04 amanita studio" zuzeneko lana aurkeztu zuen. Willis Drummond taldea egun berriro aktibitatean bada ere, Ekizak bere proiektuarekin segitzen du han eta hemen emanaldiak eskainiz.

Kontzerturako lekuak mugatuak direla jakinarazi dute antolatzaileek. Sartzeak 10 euro balio du eta sei eta hamabi urtekoentzat 5. Erreserbak egiteko 05 59 20 04 51 edo 05 59 20 00 34 telefono zenbakietara deitzen ahal da.