Les Beaux Jours festibalaren 3. edizioa izanen da Biarritzen igandera arte. Musika klasikoari eginen dio ohore, jazz, folk eta dantzak lagunduta.

Atzoko irekiera gaualdia Gautier Capuçon biolontxelo-jotzaileak eginen du, eta "Intuition" diskoan interpretatzen dituen hainbat lan eskainiko ditu.

Gaurkoa folk-jazzaren eguna izanen da. Melanie de Biasiok "Lilies" bere azken obrako kantuak interpretatuko ditu.

Ostirala dantzaz jantziko da. Ballet Biarritzek "Reverie romantique" eta "Nocturnes" ekarriko ditu, eta Illicite konpainiak "Entre-deux" interpretatuko du, bi taldeak Baiona Euskal Kosta Eskualde Orkestraren musikak lagunduta.

Larunbatean, Les Folies Françoises talde barrokoak "L’offrande musicale de Bach" joko du. Azkenik, munduko jazz piano-jotzaile onenetako Monty Alexanderrek itxiko du jaialdia.