Martxoaren 6an emazteentzat kontsulta juridikoak urririk

Martxoaren 8an ospatuko den Emazteen egunaren karietara, Baionako abokatuen elkargoak emazteentzat zuzenduak eta urririk izanen diren kontsultak antolatu ditu.

Kazeta|03/03/2015 12:10|0 comentarios
P005_ph02
Kontsultentzat hitzorduak hartu behar dira 05.59.59.27.72 zenbakian.

Heldu den martxoaren 6an, Baionako abokatuen elkargoak Auzitegian emazteei zuzendua eta urririk izango diren kontsultak antolatu ditu. Antolatzaileek adierazi dutenez, interesatuek hitzordua hartu beharko dute lehenago. Emazte bakoitza elkargoaren abokatu batekin elkartuko da, arlo ezberdinetako galderei erantzuteko. Hau da, bereizketa, laneko eskubidea, familiaren eskubidea, erasotuen laguntzak...

Emazteen eguna baino bi egun lehenago iraganen den hitzordua 09.00etatik 12.00etara antolatuko da. Antolatzaileek zehaztu dute kontsultak egiteko hitzordua hartu behar dela Abokatuen elkargoko zenbakian: 05.59.59.27.72.

Ekimen hau antolatu da gizarte aferen eta osasunaren Ministeritzak iragarritako datuak plazaratu ondoren. Hauek emazteen kontrako erasoak eta emazte eta gizonen arteko desberdintasunen emaitzak islatzen dituzte.

Ezberdintasunaren emaitzak

Urtero, 216.000 emazteek erasoak sufritzen dituzte bikotekidearengandik. Halaber, 86.000 emazteek bortxaketak edo saiakerak sufritzen dituzte. Arlo pribatuan, emazteen soldata %24ko ezberdina da eta denbora erdiko lanen %80a emazteek egiten dituzte.