Bi hartzen askatzeak hazleen arrangura piztu du

Gobernu frantsesak Pirinioetako mendebaldean bi hartz askatuko dituela iragarri zuen irailean. Albisteak bertako zein inguruetako hazleen arrangurak piztu ditu. Euskal Herriko Nekazarien Elkartasunak (EHNE) elkarrizketarako deia luzatu die eragileei.

Kazeta|14/09/2018 06:55|0 commment
Capture_d_e_cran_2018-08-24_a_11
Gobernu frantsesak irailean bere erabakiaren berri eman zuen.

Irailaren erdialdean Pirinioetako mendebaldean Gobernu frantsesak bi hartz askatuko dituen albisteak kezka sortu du eremu horretako hazleen artean, Euskal Herriko Nekazarien Elkartasunak (EHNE) jakinarazi duenez.

Hazleekin izandako bilkuran, 1998 eta 2010 urte artean Pirinioetako haran horietan gertatutakoak gogorarazi zizkiotela adierazi du sindikatuak, orduan hainbat eraso jasan baitzituzten kabalek, Garako artikuluak azaldu duenez.

"Lehen sektorea Pirinioetan biztanleak bertan mantentzeko eta ingurumena zaintzeko oinarrizko tresna" izanik, EHNEk elkarrizketarako deia egin die inplikatutako eragile guztiei, irtenbide adostua lortu ahal izateko.