Uztaritze: haurdun zegoen emaztearen ustezko hiltzailea epaituko dute

Uztaritzen erailia atzeman zuten emaztearen ustezko hiltzailea epaituko du justiziak. Aditu psikiatrikoek egin dizkioten azterketek “zentzuan aldaketak” pairatu zituela ondorioztatu dute.

Kazeta|02/08/2018 13:21|0 commment
Guz_ustaritz_8467
Autopsiak baieztatu zuen asfixiagatik hil zen emakumea bortxatua izan zela. © Aurore Lucas

Haurdun zegoen emazte bat hilik atzeman zuten 2017ko irailean. Egun batzuk beranduago 38 urteko gizon bat atxilotu zuten Bokalen. Auzia burutzen ahal den erabakitzeko, etxegabeari azterketa psikiatrikoak egin dizkiote. Emaitzen arabera, gertakarien garaian "zentzuan aldaketak" pairatu zituen, France Bleu irratiak plazaratu duenez. Hori dela eta, legeak dio epaitua izan daitekeela. "Erailketa nahitara egin zela eta bortxaketa baldintza indargarrietan" burutu zela dio justiziak.

Hogeita hiru urteko emaztea hilik atzeman zuen bere bikoteak. Aurpegia hanpatuarekin logelako ohearen gainean biluzik eta estekaturik atzean zuen, hain zuzen. Haurdunaldiaren zortzigarren hilabetean zegoen. Autopsiaren arabera, asfixiaz hil zen.

Gertakarien lekuan aurkitutako "froga biologikoak" ustezko egilea identifikatzeko baliagarriak izan ziren. Lapurretak egiteagatik eta ondareak kaltetzeagatik egona zen atxilotua gizonezkoa, eta hainbat aldiz jaso behar izan zuen "tratamendu psikiatrikoa". Orain, justiziak erruduna den edo ez erabaki beharko du.