F. Espagnac: “Frantziar eta espainiar gobernuek eskua zabaltzeko erabakia hartu behar dute”

BIDEOA - Aieteko konferentzian parte hartu zuen Frédérique Espagnac senatariak azken urte hauetako aitzinamenduak nola bizi izan dituen azaldu du. Etorkizunari begira, euskal presoen aldeko lana aitzinatzea ezinbestekoa iruditzen zaio.

Iurre BIDEGAIN|09/05/2018 07:55|0 commment
Loading player...

Aieteko Deklarazioaz geroztik, Frédérique Espagnac senatariak bake prozesuaren aldeko ekimenetan parte hartu du. Prozesua aitzinatzeko antolatu dituzten memento azkarrenetan presente egon da. Hala nola, 2017ko abenduaren 9an Parisen iragan zen manifestazioan.

2011z geroztik egindako urratsak gogora ekarri ditu Espagnacek Arnaga etxean iragan zen nazioarteko topaketan. Bere aburuz, maiatzaren 4eko ekimena "historikoa" izan zen. ETAk bere erabakiaren berri eman ondotik, bortizkeria alde batera uztearen hautua egin dutenak omendu ditu. Halaber, euskal presoen zein elkarkidetzaren aldeko lana segitzearen garrantzia azpimarratu du.