Ekaitza, euria eta haizea dela eta, neguko hotz plana plantan ezartzea erabaki du Donibane Lohizuneko Herriko Etxeak. Hiru egunerako abiatu du, hain zuzen. Aterperik gabeko pertsonentzat zortzi ohe proposatuko ditu Larregi etorbidean (16. zenbakian) kokatua den bizitegian.

Agiri baten bidez azaldu duenez, bertan aterpetuak izan nahi dutenek izena eman behar dute CCAS laguntza sozialerako herriko zentroan. Erakundeak sei egunerako aterpetze agiria eskainiko du.

Harrera 19.00etatik 08.00etara ziurtatua izanen dela dio Herriko Etxeak. Haatik, 17.00etatik aitzina aitzin harrera bat antolatua dela aipatu du.