Jose Javier Oses euskal presoa Mont de Marsanera hurbildu dute

Jose Javier Oses Fleury Merongisetik Mont de Marsaneko kartzelara lekualdatu dute. Estatu frantsesean, Euskal Herritik hurbilen dagoen presondegia da, ehun bat kilometrora, hain zuzen.

Kazeta|13/11/2017 12:38|0 commentaires
Bilbo-konzen
Bilboko Kontsulatu frantsesean egindako elkarretaratzea. (Monika DEL VALLE / ARGAZKI PRESS)

Jose Javier Oses Mont de Marsaneko kartzelara lekualdatu dutela iragarri du Etxerat elkarteak sare sozialen bidez. Hurbilketa dela eta, euskal preso bakarra dago gaur egun Mont de Marsaneko kartzelan.

Tafallako euskal presoa, Ugaitz Errazkinekin batera, 2012ko ekainean atxilotu zuten Albin. Zortzi urteko kondena agindu zioten Osesi iazko azaroan iragan zen auzian.

Mont de Marsaneko kartzelan egon diren azken euskal presoak Aratz Gomez, Arkaitz Saez eta Zuhaitz Errasti dira. Gomez eta Saez lapurtarrak askatu zituzten urrian.