Kazeta

Oier Gomezen aldeko elkartasun keinuak munduan gaindi

Zigorraren eteteko eskaera onartu ondoren, epaileek Oier Gomezen kontrako hiru euroaginduak aztertuko dituzte apirilaren 26ean. Azken aste hauetan larriki gaixorik dagoen euskal presoaren askatasuna aldarrikatzeko mezuak zabaldu dituzte munduan gaindi.

Huascaren ,Perun ateratako argazkia jaso du Oiertxo SOS plataformak. ©OiertxoSOS
Huascaren ,Perun ateratako argazkia jaso du Oiertxo SOS plataformak. ©OiertxoSOS

Epaileak gasteiztarraren zigorra etetearen alde agertu ziren apirilaren 24ean. Estatu espainiarrak eta Portugalek bere kontra aurkeztutako hiru euroaginduak aztertuko dituzte apirilaren 26ean. Egun berean, mobilizazio eguna antolatu du Bagoaz kolektiboak Baionan. Elkartasun keinuak Euskal Herriko mugak gainditu eta mundu osoan zabaldu dira.

Hain zuzen, Oier Gomezen askatasunaren aldeko mezuak helarazi dituzte munduko txoko anitzetik. Oiertxo SOS plataformak sostengu horiek bildu ditu sare sozialetan. Ewing sarkoma pairatzen duen euskal presoaren askatasuna fermuki eskatu dute Venezuela, Alemania, Kuba, Irlanda edo Saharatik. Herritarrek "Oiertxo SOS" mezuaren bidez libre uztea aldarrikatu dute.