"Jauzi bat aitzina" txostena aurkeztu zuelarik, talde tematikoek feminismoa, euskara eta etxebizitzaren gaiak landuko zituela aitzinatu zuen Aitzinak. Duela guti pegatinen bidez bigarren etxebizitzak agerian uzteko borondatea plazaratu zuen mugimenduak. Orain, gaiari buruz hausnartzeko xedez, eztabaidak antolatu ditu Hendaia, Kanbo eta Donibane Garazin.
"Lurra eta etxebizitza" lemapean, hiru hitzordu antolatu ditu gazte antolakundeak. Abenduaren 16an Hendaiako gaztetxeak ekimena antolatuko du 19.00etan. Biharamunean, Kanboko gaztetxean elkartuko dira ordu berean. Azkenik, abenduaren 28an Garaziko gaztetxean 20.00etan tematika bera landuko dute parte hartzaileek.