Jordi Cuixart Omnium Cultareleko presidentea eta Jordi Sanchez ANC Biltzar Nazional Katalaneko lehendakariaren atxiloketak deitoratu ditu EH Bai, Aitzina eta LAB sindikatuak. Kataluniari sostengua adierazteko, elkarretaratzeak antolatu dituzte urriaren 20rako.
Baionan (Espainiar Kontsulatuan), Donibane Garazin (Herriko etxean), Hendaian (Herriko Etxean) eta Maulen (Gurutze zurian) ekimenak prestatu dituzte ostiralerako 18.30ean.
"Espainia eta Kataluniaren arteko borrokaren artean, Madrilek, beste behin ere, errepresioaren bidea hartu du! Onartezina da!", aipatu du ohar batean EH Baik. Urriaren 1ean iragan zen erreferenduma "legitimotzat" jo du mugimendu abertzaleak. Herritarrek beren geroari buruz erabakitzeko eskubidea dutela nabarmendu du. "Katalanen eskubidea errespetatu behar da", dio.
Arrakastaz itzuli dira haur kantu txapelketak
Apirilaren 22tik 28ra Euskaldunon Harrotze Astea eginen du EHEk
Ondoko eskola sartzerako ikasle diru laguntza kenduko dute Pirinio Atlantikoetan
Bertsolari gazteei plaza eskaintzera dator Hernandorena bertso sariketa
