"Roaming"-a ezabatuko du Europako Batasunak ekainaren 15ean

Herrialde batetik bestera mugikorraren erabilpenagatik kobratzen duten osagarria ezabatuko dute ekainaren 15ean. Neurri berriari esker, erabiltzaileek beren mugikorrak erabiltzen ahalko dituzte Europa osoan beren jatorrizko herrialdeetan balira bezala.


Kazeta|2017/06/13 15:12
Capture_d_e_cran_2017-06-13_a_15
Neurri berria Europako 28 herrialdeetan plantan emanen du Europak.

Europako Komisioak jakinarazi duenez, "Roaming"-a ezabatuko du ekainaren 15ean. Orain arte, beste herrialde batera bidaiatzean eta mugikorra erabiltzeagatik gainkostua kobratzen zuten konpainiek. Erabakia dela eta, Europako edozein tokira deitzeak baita telefonoaren konexioak ere kostu bera izanen dute.

Neurri berria Europako 28 herrialdeetan plantan emanen du, Bretainia Handia barne. Europako Batasunak aurreikusi du ondoren Islandia, Liechtenstein eta Noruega bezalako herrialdeetan ere gauzatzea. 


Kontutan hartu behar da telefono konpainia bakoitzak bezeroei jakinarazi behar diela "Roaming"-a baliatu dezaketela urririk. Ez da beharrezkoa ezer egitea mugikorretan, automatikoki plantan ezarriko den aldaketa baita.

Haatik, muga batzuk finkatu ditu Europako Batasunak. Bere xedea da bezeroek ez kontratatzea tarifa merkeago bat beste herrialde batean, jatorrizkoan erabiltzeko. Hori saihesteko, konpainiek bezeroek mugikorra atzerrian jatorrizko herrialdean baino gehiago erabiltzen duten ikertzen ahalko dute lau hilabetez.