Marine Le Pen lehendakarigaiari sostengua helarazteko, bere iloba Marion Maréchal Le Pen Baionara etorri zen barda. Ekitaldi politikoaren karietara, Ipar Euskal Herriko hogeita bost bat elkarte, kolektibo eta alderdik mobilizatzeko deia zabaldu zuten. Horiekin batera beste hainbat herritar protestara hurbildu ziren Le Pen Euskal Herrian ongi etorria ez dela ozen entzunarazteko.

Bertara hurbildu ziren herritarrek poliziaren presentzia masiboarekin topo egin zuten. Mobilizatu zirenek oihu artean ongietorria egin zieten Frente Nazionaleko kideei. Arrautza, bengalak eta petardoak ere bota zituzten.

Protestara hurbildu zirenen artean adin guzietako pertsonak zueden. Hala nola, Bizi, Aitzina eta EH Baiko kideak zeuden, besteak beste. Halaber, Martine Mailfert Ezkerreko Fronteko militantea eta Jean Lissar Europa Ekologia Berdeak alderdiko bozeramailea presente zeuden.

Mobilizazioaren bukaeran, polizia oldartu zitzaien bertan bildu ziren lagunei. Bota zituzten gomazko piloten eraginez, bost pertsona zauritu zituzten, lekukoek azaldu dutenez. Kolpatu zutenetariko bat anbulantzian eraman behar izan zuten.