Kazeta

François Fillon Euskal Herrira dator martxoaren 24ean

François Fillon Errepublikanoak alderdiaren presidentegaia denak Euskal Herria bisitatuko du martxoaren 24ean. Ekitaldia Biarritzeko Halle d'Iratyko aretoan iraganen da.

François Fillon hautagai kontserbadorea.
François Fillon hautagai kontserbadorea.

Nicolas Patriarche Pirinio Atlantikoetako Errepublikanoen alderdiko idazkari nagusiak François Fillonen bisita baieztatu du. Lehendakari hauteskundeetako hautagai eskuindarra Euskal Herrira etorriko da martxoaren 24ean.

Ministro ohiaren hauteskunde kanpainaz arduratzen den taldeak hainbat leku bisitatu dituela azaldu du idazkariak. Max Brisson departamenduko kontseilariak sare sozialen bidez azaldu duenez, ekitaldia Biarritzeko Halle d'Iraty aretoan iraganen da. Arratsaldeko 17.00etan hasiko da, hain zuzen.

Ipar Euskal Herriko Sare Antifaxistak elkarretaratze bat antolatu du Fillonen bisitaren karietara. "Ebasle, islamofoboa, erreakzionarioa kanpora" lelopean iraganen den ekimena Halles d'Iraty aretoan iraganen da 18.00etan.