Zortzi autokarabana erre ditu suak Tarnosen

Tarnoseko kontzesionario batean piztutako sua itzaltzeko suhiltzaileak deitu dituzte otsailaren 16an. Orotara, zortzi autokarabana kiskali dira. Suteak ez du biktimik eragin.

Kazeta|2017/02/16 10:12|0 iruzkin
Guz_incendie_bobedme104
Hogeita hamar suhiltzaile sua itzaltzen aritu dira Tarnosen. ©Bob EDME

Otsailaren 16ko gauean sua piztu da Tarnoseko kontzesionario batean. Agest sozietatearen parkingean aparkaturik zeuden zortzi autokarabana erre dira. Suhiltzaileek sua itzaltzeko zailtasunak eduki dituzte batez ere bi gas bonbona lehertu direlako. Suteak ez du biktimik eragin.

Goizeko 03.50ak aldera suhiltzaileak deitu dituzte. Segidan, hiru kamioi eremura hurbildu dira. Gainera, haguna ekoizten duen kamioi bat ere eraman dute gunera. Orotara, hogeita hamar suhiltzaile sua itzaltzen aritu dira goizeko 06.00ak arte.

Eraikinaren inguruko bidea moztu behar izan dute. Goizean kontzesionarioak ateak ideki ahal izan ditu.