Aitzol Gogorza euskal presoak bertan behera utzi du iragan abuztuaren 6an hasitako gose greba. Hala jakinarazi dio Etxerat elkarteak Naiz-i. Gogorza Basauriko espetxean dago preso eta gaitz larria pairatzen du. Auzitegi Medikuntzako Euskal Institutuaren txosten baten arabera: nahasmendu obsesibo-konpultsiboa, eta desoreka depresiboa, autolisi arriskuarekin.

20 urteko espetxe zigorra ezarri zioten, eta 17 bete dituen arren, gaixotasuna dela-eta eskatu dituen kaleratze baimen guztiak ukatu zaizkio. Eguerdian Sarek elkarretaratzea burutu du Donostian Gogorzaren egoera salatzeko.