Mimizaneko aerodromo zibilean gertatu zen istripua atzo arratsaldeko 17:00ak inguruan. Bardozen bizi zen 17 urteko gaztea OJB Parachutisme eskolan jauzi egiteko ikastaroan parte hartzen ari zen. Nonbait bere bigarren jauzia zuen baina paraxutak arazoak izan zituen idekitzean, eta, dirudinez, sorospenekoak ere.

Salto egindako lekutik 500 metrora aurkitu zuten, arbola tartean, eta sorospen zerbitzuek hilik aurkitu zuten. Istripua bere anaia eta aitatxi-amatxiren aitzinean gertatu zen. Izarren gaua ikustera bertaratu zen jende askok ere ikusi ahal izan zuen istripua. Parketak ikerketa bat ideki du nahigabeko hilketagatik.