Kanboko suhiltzaile boluntarioak zentroko buruzagiak erabiltzen dituen metodoen kontra mobilizatuak dira. Asteburutik greban dira eta, mementoz, bide berdinetik segitzea erabaki dute. Uztailaren 28an bilkura bat antolatu zuten Vicent Bru auzapeza eta Pepela Mirande CASDISeko (departamenduko suhiltzaileen administrazio kontseilua) lehendakariarekin.
"Kanboko suhiltzaileak kexu" deituriko kolektiboak eragileek beren arrangurak entzuteak eskertu du. Buruzagiarengandik "errespetu eskasa" jasotzen dutela kontatu du, besteak beste. SDIS (Departamenduko sute eta sokorri zerbitzua) eta Pierre-André Durand prefetarekin aterabideak ikertzen ari dela aipatu du.
Hala ere, lana berriz ez hartzea erabaki dute. Eragileengandik "gure aldarrikapenak satisfatuko dituen dokumentu idatzi bat" espero duela erran du kolektiboak. Ildo horretatik, onartutakoaren baieztapenak asteburua baino lehen jasoko lituzkeela esplikatu du.