Kazeta

"Loreak" filma Oscarretan lehiatzeko hautatu dute

Jose Mari Goenagak eta Jon Garañok zuzendu duten "Loreak" filma Oscarretarako hautagaia izanen da. Ingelesez besteko hizkuntza batean egindako filmen atalean, Estatu espainiarra ordezkatuko du.

‘Loreak’ filmeko lantaldea, Donostian. (Jon URBE/ARGAZKI PRESS)
‘Loreak’ filmeko lantaldea, Donostian. (Jon URBE/ARGAZKI PRESS)

Zinema Akademiak "Loreak" filma hautatu du Estatu espainiarra ordezkatzeko Oscarretan. Hain zuzen ere, ingelesez ez diren filmen atalean hautatua izan da.

Estatu espainiarreko Zinema Akademiak, Jose Mari Goenaga eta Jon Garañok zuzendu duten filma aukeratu zuen, Carlos Vermuten "Magical Girl" eta Gracia Querejetaren "Felices 140" ekoizpenekin batera. Azkenean, euskal filma hautatua izan da.

"Loreak" 2014. urteko Zinemaldian estreinatu zen. Sail ofizialean lehiatu zen euskaraz ekoiztutako lehen filma izan zen. Halaber, azken Goya sarietan filma hoberena bezala hautatua izan zen eta hainbat sari lortu zituen.

Filmak Aneren istorioa kontatzen du. Emazte honen bizia guztiz aldatzen da, astero lore sorta bat errezibitu ondoren. Beti ordu berdinean eta izenik gabe.