".eus" domeinua zabaltzeko kanpaina abian da

PuntuEUS Fundazioak ".eus" domeinua zabaltzeko kanpaina abiatu du irailaren 15ean. #markatupuntueus goiburupean hasi den kanpaina domeinua gizartean sendotzeko xedea du.

Naiz|2015/09/18 10:45|0 iruzkin
Arp_130621_852710
Gaur egun, 4.000 ".eus" domeinutik gora daude erregistratuta. (Luis JAUREGIALTZO / ARGAZKI PRESS)

Dagoeneko 4.000 domeinutik gora daude erregistratuta, baina PuntuEUS Fundazioak ahalegin bat egin nahi du oraindik, domeinua eskuratu ez duten enpresa, establezimendu, erakunde edota kultur taldeak anima daitezen haren aldeko apustua egitera.

Fundazioaren arabera, .eus domeinua erregistratzeko baldintza bakarra da webgunean edukien zati bat euskaraz izatea edota, euskaraz izan ez arren, euskarari edo euskal kulturari buruzko edukiak izatea.

Publizitatea

Kanpainak gizarteari zera galdetzen dio: Zer marka nahi duzu .eus izatea? Erantzuna dutenek nahikoa dute markari, edozein euskarritan, argazkia atera eta sareratzearekin #markatupuntueus traola erabiliz.

www.markatu.eus webgunea sortu da kanpainarako. Bertan argitaratuko dira kanpainan parte hartzen duten argazki guztiak eta bozkatzeko aukera izango dute erabiltzaileek.

Bozkatuenei astero Samsung Galaxy tableta bat oparituko zaie. Horretaz gain, amaieran PuntuEUS Fundazioak bi lagunentzat nekazal-etxe batean asteburuko egonaldia zozketatuko du kanpainan parte hartu duten guztien artean.

Astearte honetan hasi eta urriaren 15era egingo da kanpaina.