Irailaren 4ko arratsalde hasieran, Kortxoenea gaztetxearen lurrera botatze operazioa gelditzea galdegin du Donostiako Herriko Etxeak, aginduak legearen irizpideak ez zituelako betetzen. Goizaldean, gaztetxeko kideek, EH Bilduk egin duen gisan , baimenaren zilegitasun eskasa salatu zuten.

Arratsaldean, poliziak lekuak hustu ditu, beti ere gunearen "zaintzeko” neurriak hartuz. Hain zuzen ere, Topatu komunikabideak azaldu duenez, tokiko jabeak hesi bat jartzeko xedeaz gain, sekuritate enpresa bati dei egin lukete lekuaren "zaintzeko".

Kortxoenearen lurreratze operazioa hasi bezain laster, Gaztetxeko kide eta hurbilekoek eraikinaren suntsiketarako baimenaren ikusteko galdea egin zuten. Ez zuten, ordea, iradokizunik ukan. Poliziak Mozal legea aplikatzearekin mehatxatu egin dio operazioaren irudiak, argazki zein bideoak hartzen zituen jendeari.

Gaztetxearen botatzeko arrazoia, eraikuntza proiektu baten xedean lirateke. Gaztetxeko kideek enpresa pribatuen proiektuen babestea leporatzen diote Herriko Etxeari. Topatu informazio gunearen arabera, gazteen abokatuak eraikuntza enpresaren aurka salaketa jarri luke.