Donostiako Kortxoenea gaztetxea hustekotan dira hainbat langile ordu honetan. 8.40ak aldean NAIZi bizilagun batek adierazi dionez, Udaltzaingoaren hainbat auto eta hondeatzeko makinak hurbildu dira gaztetxera, hura husteko asmoz. Gaztetxeko kideek eta hianbat auzokidek ea horretarako baimen judizialik baduten galdetzean, "nik ez dakit lege kontuez" ihardetsi diete.
‘Mozal legea’ argudiatuta
Hustera joandako langileak eraikin barnean dira, Kortxoeneatik bertatik adierazi dutenez. Udaltzaingoak osatu du babes hesia inguruan, inor ez dadin hurbildu. ‘Mozal legea’ argudiatuta argazkirik egiten ere ez dietela uzten salatu dute gaztetxeko ordezkariek.
9.30ak aldean Ertzaintza Udaltzaingoa babes lanetan laguntzera hurbildu da, eraikina hustu asmo dutenen abokatua ere bertan da. Lekukoen arabera, enpresaren abokatuaren lehen hitzak "nere jabegoan dagoen guztia nirea da" izan dira. Halabaina, jabeak ez du desalojo baimenik erakutsi.
Gaztetxea bota ondoan, lurzorua etxebizitzen eraikitzeko baliatu nahi dute. Kortxoeneak kanporaketa operazioa baimenik gabe hasi dituztela salatu du alde batetik, eta bestetik, Udaltzaingoa enpresa pribatu baten interesen mesedera erabiltzea leporatu dio Donostiako Herriko Etxeari.
Arrakastaz itzuli dira haur kantu txapelketak
Apirilaren 22tik 28ra Euskaldunon Harrotze Astea eginen du EHEk
Ondoko eskola sartzerako ikasle diru laguntza kenduko dute Pirinio Atlantikoetan
Bertsolari gazteei plaza eskaintzera dator Hernandorena bertso sariketa
