"Eguzkia, itsasoa eta Gazte Errepublikanoen karabana". Estatu frantsesa zeharkatzen ari den alderdi politikoak geldialdia eginen du Lapurdiko kostaldean. Hain zuzen ere, abuztuaren 3an Donibane Lohizuneko Thibaud plazan egonen dira eskuineko gazteak eta biharamunean Angeluko Urrezko hondartzan ikusten ahalko dira.

Gazte Errepublikanoek esplikatu dutenez, ibilbidea Frantzia mailako alderdiko ordezkariek bideratu dute. Ipar Euskal Herrian egindako geldialdian, herritarrekin eta turistekin hitz egiteko helburua dute. "Beren arazoetaz, beren nahikundeaz mintzatuko gira, baina baita gaurkotasunaz, etorkizuneko proiektuetaz edo mugimenduaren baloreetaz ere", gehitu dute.