Termometroek ez dute atzoko maila harrapatuko eta beroak pixka bat behera eginen du. Hala ere, bero izanen da Euskal Herriko txoko gehienetan. Egunean zehar 36 gradu ere egingo ditu barnealdeko hainbat zonaldetan eta 40ra ere iritsiko dira Erriberan.

Goizean hego haizeak mantenduko ditu tenperatura mailak, baina arratsaldean ipar eta ipar-mendebaldeko haizeak zerbait leunduko du beroa, batez ere kostaldean. Era berean, hodeiak sortzen joanen dira eta arratsalde edo iluntzerako ekaitzak espero dira kostaldean hala nola Nafarroako ipar-mendebaldean.

Ekaitz hauek tenperaturen beherakada ekarriko dute, gau atsegina baino freskoagoa ekarriz. Biharko ere tantaren batzuk utz ditzaketen hodeiak espero dira eta biharkoan bai tenperatura maximoek behera eginen dute.